10 mandamentu 1. Adorá Dios so i stim’É mas ku tur kos.
2. No usa nòmber di Dios sin mester.
3. Santifiká dia di Señor.
4. Honra bo tata i bo mama.
5. No mata.
6. No hasi kos deshonesto.
7. No hòrta.
8. No lanta falsu testimonio riba bo próhimo.
9. No deseá kos deshonesto.
10. No kudishá kos di otro hende.
Ave Maria
Mi ta kuminda Bo Maria
yen di grasia Señor ta ku Bo
Bo ta bendishoná den tur muhénan
I fruta di Bo barika Hesus ta bendishoná
Santa Maria Mama di Dios
Pidi pa nos pekadó awor i na ora di nos morto
Amèn
Orashon di mainta
Tata santu nos ta yama Bo danki,
Pa e mainta nobo aki;
Nos ta yama Bo danki,
Pa e deskanso di anochi sin prekupashon,
Pa nos salú, amor i amigunan
Ku Abo a regalá nos.
Nos ta gradisí Bo pa tur kos,
I pa tur e bendishon ku Bo ta trese pa nos
Tata santu den shelu,
Nos ta yama Bo danki.
Amèn
Nos Tata
Nos Tata ku ta na shelu
Bo nòmber sea santifiká
laga Bo reino bini na nos
Bo Boluntat sea hasí na tera komo na shelu.
Duna nos awe nos pan di kada dia
I pordoná nos nos debe
meskos ku nos ta pordoná nos debedónan
I no laga nos kai den tentashon ma libra nos di tur malu.
Amèn.
Orashon di gratitut
Nos tin hamber,
I nos tin di kome,
Laga nos yama danki,
Otro nan tin hamber,
Pero no tin di kome.
Laga nos no lubidá
E hendenan aki.
Amèn
Orashon trahá na Bo imágen
Nos Bon Tata,
Nos ta trahá segun Bo imágen
Asina Bo a traha nos,
Ku man i pia,
Wowo, orea, boka,
Pero nos tur ta diferente for di otro.
Esaki ta pas pa un,
I hopi mas mihó na un otro.
Yuda nos hasi
Loke ku mihó ta pas na nos,
Ta e ora ei nos ta yega na nos derechi,
Pa bisa ken en realidat nos tambe ta.
Duna nos kurashi
Di bisa nò,
Ora ku nos sa ku nos no por hasié.
Duna nos forsa,
Pa pasa dor di dje,
Ora kos ta bon
Duna nos sosiegu,
Pa nos pensa ken nos ke ta.
Nos Bon Tata,
Nos ta trahá segun Bo imágen;
Tur hende ku nan koló propio.
Yuda nos pa hasi uzo di tur e kolónan aki,
Pa un mundu uní i un mihó mundu.
Amèn
Orashon di mainta
Mi ta buta mi mannan huntu,
I mi ta hisa un skalchi na Abo:
Mi ta fangu tur forsa i sabiduria
Ku mi mester den mi bida diario.
Mi ta warda tur den mi kurason.
Ku nos por diskubrí,
Tur loke Dios ta spera di nos,
I kumpli kuné,
ku Bo poder.
Amèn
Orashon di lus
Tin un lus,
Ariba tur kos,
Ku ta lusa mundu.
Ariba nos tur,
Leu ayariba den shelu,
Masha haltu mes,
Te den universo:
Tin un lus ku ta lusa nos kurason
Amèn
Orashon pa lus
Tata Santu hasi mi bida un lus.
Ku ta lusa henter mundu.
Hasi mi un vlam chikí di kandela ku ta iluminá,
Unda ku mi bira, unda ku mi bai, unda ku mi ta.
Amèn
Orashon pa pianan fuerte
Dios,
Mi ta gradisíbu,
Ku hende ta asina Bon hinká den otro,
Ku e muhé i e hòmber,
Ku por kana pasa den bida,
Ku su propio pianan.
Tata Santu mi ta pidiBu,
Pa tur esnan ku tin problema,
Pa haña nan propio kaminda,
I ku te ainda ta konfundí,
I ta buskand’é.
Dios mi ta rogaBu,
Pa un par di pia fuerte,
No solamente pa mi,
Pero tambe pa e otro nan,
Ku mester di sosten.
Amèn.
Orashon di gradisimentu
Bon Dios,
Danki pa kayente di solo,
Ku ta kore ku friu den nos,
I ku ta keinta nos di paden.
Danki pa e lus,
Ku ta lusa tur kos,
Ku ta kore ku skuridat,
I ku ta hasi nos humilde.
Danki pa tur kos positivo,
Den nos bida,
Ku ta enkurashá nos i ta hasi nos felis,
Na un lugá ku semper nos por mir’é.
Danki pa tur hende rondó di nos,
Ku ta iluminá nos i ta duna nos kayente.
Laga ku semper nan keda asina.
Nos Bon Dios,
Ser manera un solo pa nos,
Keinta nos ku Bo amor,
Laga nos bida ta un lus,
Laga na su debido momentu,
Solo bria pa otronan tambe.
Amèn.
Bishitá tambe: