E komunidat riba internèt
pa abo haña informashon na papiamentu.
Ta buska luga pa traha den fakansi Ta buska Ensiklopedia di Antia Ulandes di 1948.
E organisashon di hóbennan progresivo na kuminsamentu di añanan setenta Mester oumentá edat di penshun Willemstad – Informashon ku a bin bon kla dilanti resientemente for di Fondo Monetario Internashonal i tambe for di Banko di Seguro Sosial SVB, ta ku mester hisa edat ku hende por bai ku penshun na Kòrsou di 60 pa 65 aña. Esaki pasobra situashon finansiero di gobièrnu i di SVB, no ta duna pa sigui paga penshun. I awor aki ta hendenan ku ta trahando ta kontribuyendo pa paga penshun di esnan ku ta kobrando penshun na e momentu aki. Pero aki algun aña tin tur indikashon ku no tin sufisiente hende hóben trahando pa karga ku gastunan di penshun. Ke men ta subi edat pa bai ku penshun i hende di mas edat ta keda traha awor. Lógikamente ku tin konsekuensia ku mantenementu di hendenan mas grandi na trabou. Sigur den empresanan privá por nota kiko ta influensia di hendenan di edat. Pero por nota tambe ku no tin un maneho real pa atendé ku hendenan di edat na trabou. I mester ta komprendibel ku no ta meskos pa atendé mes un kos ku un hende ku ta buskando reto di trabou, un hende mei mei di su karera, ni un hende ku ta kansá di traha pero ta traha ainda simplemente pasobra e mester di sèn. Sigui lesa...... Bon manera pa haña e trabou ku abo ke
Pa 3 hóben yu di Kòrsou na HAVO, VWO i na MBO.
Por tuma kontakto na 561-2818 òf 665-2785
Òf na info@notabel.com
Si bo tin laga nos sa na info@whobonaire.com òf na 561-2818 
den bario di Groot Kwartier?
Unda nan ta awe?
Manda bo rekuerdo i detayenan na
info@notabel.com
I kiko ta hasi ku hende grandi na trabou?
Skibí i kompilá pa Reyna Joe – 11 di ougùstùs 2008
Skibí pa Reyna Joe© - 5 di ougùstùs 2008 Tin hóben ku a skohe pa no sigui bai skol pero bai traha. Bon desishon si bo sa kiko bo ta hasiendo. I bo tin di solisitá pa haña un trabou den kaso ku bo no ta yu di un hende ku tin un lugá ku por duna abo un trabou. Mi por imaginá riba esaki ku un hende por reakshoná i bisa ku ‘si, pero un hende por hasi loke e ke den un estado demokrátiko’. Tur hende ku ta serio pa haña un trabou mester tene na kuenta ku reglanan básiko di kon presentá nan mes, personalmente, na telefon òf via e-mail/karta. Kòrda ku no ta eksistí ku un hende no por haña un trabou. Loke si ta pasa ta ku hopi biaha e manera di aserka esun ku por duna trabou ta totalmente no korekto. Hopi éksito ku bo bon presentashon i manera di solisitá pa haña e trabou ku bo ke. Bo ke reakshoná riba e artíkulo aki? Manda un e-mail libremente na korsou@konseho.com. Posishon di para ora ta tende òf kanta Himno di Kòrsou òf ora ta subi Bandera
Segun komunikado emití pa ofisina di diputado Alcalá-Wallé – 30 di mart 2008 E mandatario na vários okashon a tuma nota ku no ta eksistí serka nos pueblo un uniformidat ora ta tende òf kanta Himno di Kòrsou òf ora ta subi Bandera. E teksto aprobá ta lo siguiente: Pensa promé ku bo bai Ulanda sin destino bon planiá
Bo a pensa kon bo ta bai buska trabou? Kiko un dunadó di trabou mester pensa ora e haña un solisitut via di e-mail i e direkshon for di kua e ta bini ta sweetysweety 69@..., dushigai@...., papito_papito_dushilove@..., 10xsexygirl@...?
Promé impreshon lo ta sin mas ku e hende ku ta buskando un trabou no a pensa kiko e ta hasiendo. Pasobra konsiderando e posibilidat di pone un direkshon riba email grátis por komprondé ku un hende no tin nodi presentá su mes ku un adrès ridíkulo, estilo di wega i sigur no profeshonal, na momentu ku e ke ku mester husga su solisitut, tum’é na serio.
Ta bèrdat. Pero esun ku mester paga salario tambe ora e tuma abo den servisio, tin derechi di husga e manera ku un hende presentá, si ta hende ku ta bal pa e paga fin di luna òf nò; si ta hende ku lo ta serio na i ku su trabou.
Lo tin motibu hende ta lubidá ku etiketa i bon manera di presentashon ta konta tambe riba e sistema di komuniká moderno ku ta Internèt. Ke men ku aki tambe promé impreshon di esun ku mester huzgábu ta konta.
I si su promé impreshon ta ku kisas bo no ta serio sufisiente pasobra bo no a duna atenshon na e detaye di kon presentá bo mes, anto e ora ei bo tin un problema. E problema ta ku chèns ta grandi ku ta evitá di tuma abo den servisio. Pa evitá ku e empresa ta hañ’é ku un empleado ku lo no ta serio sufisiente pa e trabou.
©www.konseho.com
Willemstad - Diputado di Enseñansa, Kultura i Deporte na Kòrsou, Marilyn Alcalá-Wallé ta kuminsá djaluna 31 di mart ku un rekorido na skolnan na Kòrsou pa asina ei mustra e mucha i hóbennan kiko ta posishon korekto pa para na momentu ku ta kanta himno i/òf subi bandera di Kòrsou.
Segun diputado Alcalá-Wallé ta hopi importante pa mustra pueblo importansia pa brinda rèspèt na nos himno i bandera. Esaki ta yuda na fortalesé union serka nos siudadanonan i konstruí nos nashon.
Gobièrnu di Kòrsou pa medio di dekreto no. 53 di aña 2003 a pone reglanan pa tene kuenta kuné ora ta toka nos himno. Artíkulo 4 di e dekreto aki ta menshoná ku mester tuma un posishon respetuoso, pero no ta spesifiká kiko esaki ta enserá.
Tumando nota di esaki Gobièrnu di Kòrsou a hasi e kambionan nesesario den e dekreto aki pa spesifiká kon e posishon menshoná mester ta i esaki a keda aprobá den reunion di Bestuurscollege di dia 26 di mart 2008.
Durante presentashon di nos himno presentenan ta para den un posishon respetuoso ku brasanan pegá na kurpa, kaminda hende hòmber, ku eksepshon di esnan uniformá, ta kita nan sombré òf pèchi òf otro kos ku ta tapa kabes kuné i tene esaki den man drechi.
Den e rekorido na skolnan diputado Alcalá-Wallé lo djòin maestronan i muchanan den kantamentu di himno i hisamentu di bandera den e posishon nobo ku a keda aprobá pa Gobièrnu di Kòrsou.
Redaktá pa Reyna Joe – 18 di mart 2008
Den Haag/Willemstad - Ta sumamente nesesario pa na Kòrsou nos kuminsá komprondé kiko ta pasando den e diskushon na Ulanda riba akseptashon i toleramentu di hóbennan di Kòrsou i di otro islanan di Antia ku ta na Ulanda.
Den un reunion di parlamentu antiano djamars dia 18 di mart a bin dilanti ku e partidonan CDA i PvdA ke pa prohibí hóbennan antiano ku no tin trabou ni ku a kaba skol pa por drenta Ulanda. I den kaso ku nan ta na Ulanda kaba mester por manda nan bèk ainda segun e parlamentarionan ulandes.
Minister ulandes enkargá ku asuntunan di integrashon minister Ella Vogelaar a bisa anteriormente ku e pa tantu na Ulanda komo na Antia sigui e reglanan di enseñansa obligatorio, e lei riba trabou i skol i e lei di formashon sosial obligatorio.
Tur e plannan aki ta konektá ku e proposishon di e gabinete ulandes pa laga deklará hóbennan antiano ku faya na Ulanda komo personanan no deseá.
E diskushon riba e tópiko di hóbennan antiano difísil a kontinuá pues djamars anochi ku e plan di minister Vogelaar pa mehorá integrashon di antiano i arubano den komunidat ulandes. E plama aki ta enserá e siguiente medidanan proponé pa minister Vogelaar: Sigui lesa......
Eksitoso konferensha About Women and Health
Willemstad – ‘Karga bo mes responsabilidat pa bo salú, rekonosé kiko ta menasá bo salú i hasi uso di informashon disponibel na benefisio di bo salú’ ta konklushonnan ku a sali di e di sinku konferensha anual di hende muhé na Kòrsou, ‘About Women and Health’, organisá pa Bright Ideas and Services.
E konferensha ku a tuma lugá den fin di siman último na International Trade Center a konta ku partisipashon di bastante hende muhé i hende hòmber profeshonal i tambe studiantenan di IFE i di UNA. Sigui lesa......
Selebrando hende muhé ku “Bida ta un baile”
despues di konferensha anual ‘About Women and Health’
Willemstad – Djasabra dia 8 di mart 2008 lo tin den ouditorio di International Trade Center un tremendo selebrashon di hende muhé titulá “Bida ta un baile”. E obra aki ta e forma pa selebrá tur hende muhé, relashoná ku Dia Internashonal di Hende Muhé i na mes momentu pa finalisá e di sinku konferensha anual di hende muhé na Kòrsou ‘About Women and Health’.
“Bida ta un baile” ta un selebrashon úniko ku hende muhé bailando ekspresando bida ku moveshon i ritmo. E bailarinnan prinsipal ta Ersilia de Lannooy, Daisy Tyrol-Carolus, Eduarda de Bies, Chandrika Floridas, Reyna Joe i Irene van Grieken.
Naradó i guiadó poétiko di “Bida ta un baile” ta Maria Diwan.
Koreografia di “Bida ta un baile” ta na enkargo di Carlos Zimmerman, zonidu na enkargo di Jason Rafaël, miéntras ku e produktor ta Reyna Joe di Bright Ideas & Services, kual organisashon ta enkargá tambe ku organisashon i kordinashon di e konferenshanan anual di hende muhé na Kòrsou.
Ku “Bida ta un baile” lo selebrá dia 8 di mart próksimo, hende muhé di tur eksperensia di bida, den un bon ambiente, dunando chèns na tur ku bishitá e obra aki e oportunidat di pasa un ratu relahante kitando prekupashonnan di tur dia. Na mes momentu por gosa di e tremendo talento di tur artista ku ta hasi “Bida ta un baile” posibel.
Pa mas informashon riba “Bida ta un baile” por tuma kontakto ku BISInc na tel. 767-9255 òf 665-2785, fax 747-4142, e-mail: info@aboutwomenconference.com òf na www.aboutwomenconference.com.
Ken ta bo HEROE? Mas i mas nos ta tende di hendenan ku ta ‘stalk’ (purba kontra di gana di un hende pa drenta su bida). Esaki ta sosodé hopi biaha dor di fanatikonan ku ta asina opseshoná ku e persona ku nan ke ta mas serka posibel di dje. Protehá nos yunan Un mayor bou di sirkunstansha normal ke kos bon so pa su yu. Despues di amor, kiko ta hasi ku e tatu???
Skibí pa Reyna Joe - © BISInc - 14-2-2008
Bo ta mal namorá. I bo ta konvensí ku e úniko kos ku bo ke ta pa ta eternamente ku e hende aki. I bo ta disidí na marka bo mes pa semper pa tur hende sa di ken bo ta. E manera pa hasié sigur i ku ta pone ku bo amor por sa ku bo ta di dje, ta ku un tatu riba bo kurpa. I maske ku ta bèrdat ku kiko ku bo ke hasi ku bo kurpa ta bo asuntu, tin e situashon ku hopi hende no ta haña trabou maske ku nan tin tur kualifikashon, pasobra nan kurpa ta tatuá. Si awe, despues di tin e tatuahe riba bo kurpa, bo tin otro pensamentu i bo ke kita e tatu tin vários opshon. Pero tene kuenta ku kua opshon ku bo sigui, ku ta bai kostabu hopi tempu, hopi plaka i te hasta lo por tin impakto riba bo salú. Sigui lesa...... Mester bin lei pa akseso di kachónan di guia Willemstad – Un lei pa pèrmití akseso di kachónan di guia den tur lugá i konsientisashon di komunidat pa akseptá kachónan di guia. Esei tabata mensahe di Fundashon Laura and Wagner (Laura and Wagner Foundation –LWF-) kual fundashon a keda lantá djaluna último riba inisiativa di Laura de Haseth-Meddens. Dor di guia di su kachó spesial Wagner, Laura kende tin un desabilidat visual, a logra ku e por funshoná mas normal posibel den bida. Ku lantamentu di Fundashon Laura and Wagner ta bai traha awor riba metanan pa logra aksesibilidat pa tur hende ku tin desabilidat visual pa nan por yega na un kachó manera Wagner ku por guianan pa nan por funshoná den komunidat i sali for di isolashon i soledat. Durante di e konferensha di prensa djaluna atardi pa presentá ofisialmente Fundashon Laura and Wagner a presentá tambe direktiva di e fundashon. Presidente ta Reyna Joe, vise presidente Laura de Haseth-Meddens, sekretario ta Juanita Cijntje, segundo sekretario ta Manielle de Aldrey-Stoop i tesorero ta Tesha Yung. Pa mas informashon riba kachónan di guia i proyektonan di LWF por bishitá riba internèt www.lauraandwagner.com òf tuma kontakto na info@lauraandwagner.com òf na telefòn nr. 660-4411. Riba e potrèt por mira momentu despues di lantamentu di LWF ku di robes pa drechi notario Alba Chatlein, Reyna Joe, Juanita Cijntje, Manielle de Aldrey-Stoop, Laura de Haseth-Meddens i Wagner. Abo ta haña ku kachó di guia tin derechi pa ta tur kaminda huntu ku su doño? Nos ta topa na lesamentu den Bright World Park djadumingu atardi di 4’or pa 6’or pasobra lesamentu ta dushi i p’esei nos ta hasié. ‘Bai skol pa bo konta’ Willemstad – ‘Bai skol pa bo konta’, ta lema di e spòt motivadó di Ministerio di Enseñansa di Antia, pa pone aksento riba e Lei di Enseñansa Obligatorio adaptá, ku ta na vigor for di dia 1 di ougùstùs último i ku ta konta pa mucha i hóben di 4 pa 18 aña. Antia ta promé pais na mundu ku un lei di enseñansa obligatorio di 4 pa 18 aña. Un empleado mes ta responsabel pa su salú Willemstad – “Kada empleado mester ta responsabel pa si e drenta salú den servisio pa e keda esei tambe. I den futuro empresanan por inkluí e klóusula aki den un kontrakt di trabou”. Esei tabata e mensahe bon kla ku eksperto di kalidat Rein Persaud a duna na esnan presente durante di e promé lùnch mensual di ADECK djarason último. “Nos na Kòrsou sa keda atras riba desaroyonan i den paisnan mas grandi ya kaba ta tuma medida pa laga e empleado karga responsabilidat pa su salú i impakto di su salú malu riba e empresa i produkshon”, asina Rein Persaud a bisa.
Skibí pa Reyna Joe - 18-2-2008
Tambe un hende por purba na ‘stalk’ un hende ku e gusta masha hopi sin ku e hende sa mes ku e ta eksistí.
Òf bo ta haña ku un hende por ke keda ku un amante òf partner ku a kibra kuné i ta ‘stalk’ esaki pa gan’é bèk. Sigui lesa......
Skibí pa Reyna Joe – 18-2-2008
E hende aki ta dispuesto pa hasi tur esfuerso pa asina su yu ta bon. Tòg hopi biaha nos komo mayor no tin den nos man kon nos ta protehá nos yunan.
Un menasa pa nos muchanan ta droga. Pa duru ku por ta, nos mester kuminsá papia for di chikí ku nos yunan riba droga.
Droga ta algu ku ta menasá nos yunan konstantemente. Tur dia muchanan chikí na skolnan básiko ta hañanan ta skohe: usa droga, alkohòl òf sigaria? Òf sòru pa semper keda leu for di adikshon?
E loke nan disidí ta bai determiná si nan ta limitá nan opshonnan den bida òf ku nan ta hasi uso di oportunidatnan ku bida ta duna. Sigui lesa......
Òf bo ta den un grupo di hóben, kisas un gèn. I pa demostrá ku bo ta mes tòf ku tur bo ta marka símbolo di e gèn riba bo kurpa.
Òf kisas bo ta haña un kurpa dekorá algu di un kick ku ta pone ku atenshon ta bin riba bo.
Lamentablemente ku despues di tur e doló ku bo ta sufri pa pone un tatu, ku tin chèns ku e amor ei ta kaba pa e míles di motibu ku por tin pa un amor kaba. I bo ta sigui ku bo bida. Òf un dia bo ta realisá ku e filosofia di e gèn no ta eksaktamente di bo.
Segun meta di Fundashon Laura and Wagner
Laura de Haseth-Meddens a kuminsá pèrdè mayoria di su bista 12 aña pasá. Ku yudansa di su famia i amigunan e por a kontinuá ku su bida mas tantu posibel manera tabata e kaso promé ku el a haña su desabilidat. Sinembargo tabata despues ku el a logra na haña su kachó Wagner via di e organisashon 'The Seeing Eye' na Morristown, New Jersey na Merka pa $150, ku el a logra un mihó oportunidat pa hasi loke e ke i mester. E organisashon ‘The Seeing Eye’ a paga tur su gastunan di pasashi, entrenamentu i pa e haña un kachó di guia.
Meta prinsipal di LWF ta pa yega na lei ku ta protehá derechi humano i independensia di hendenan ku tin desabilidat visual òf ku ta siegu kompletamente; organisá i produsí konferensha i programanan den medionan di komunikashon ku mester ta edukativo, rekreativo i vokashonal i krea rekurso pa duna hendenan ku desabilidat visual oportunidat pa nan desaroyá nan mes i biba independiente; kordiná desaroyo di un komunidat i ambiente di trabou ku ta sostené i promové integrashon di hendenan ku desabilidat visual i duna nan oportunidat pa traha i pa entrená nan mes i promové den transporte públiko opshonnan pa hendenan ku desabilidat visual por ta movibel.
Tambe a mustra un video di e organisashon ‘The Seeing Eye’ mustrando asina esfuersonan ku ta tumando lugá for di aña 1929 na Merka pa entrená kachónan di guia pa hendenan ku desabilidat visual.
LWF ta spera ku logrando nan meta nan lo yuda tur hende ku tin desabilidat visual den koperashon ku tur ku ta trahando pa yuda hende ku desabilidat visual.
Bishitá: www.lauraandwagner.com
I firma e petishon
Mensahe oudiovisual di minister di enseñansa Omayra Leeflang
Minister di Enseñansa Omayra Leeflang a skohe pa netamente den e temporada di karnaval aki aksentuá kon importante baimentu di skol ta bou di tur sirkunstansha i na tur momentu.
E Lei di Enseñansa Obligatorio ku tin aktualmente ta kubri un grupo mas grandi di hóben kompará ku esun anterior. P.e. a subi edat ku mester ta na skol di 16 pa 18 aña i a konektá e Lei di Enseñansa Obligatorio nobo na e proyekto Formashon Sosial Obligatorio. I e lei aki ta e parti di mas importante di Deltaplan ku ta e plan introdusí pa minister Leeflang pa duna nos hóbennan di tal forma un chèns pa nan tambe haña oportunidat den bida, ku nan ta kla pa traha i pa nan por partisipá optimalmente den komunidat. Sigui lesa......
segun eksperto di kalidat Rein Persaud
ADECK manera ta konosí ta tene for di aña 2004 tur luna un lùnch kaminda ta hasi uso di e oportunidat pa empresarionan chikí i mediano konektá i traha riba nan relashonnan komersial.
Rein Persaud, kende a kompletá resientemente e tèstnan ku ta kalifik’é komo un ouditor sertifiká den kalidat di e Komisariado di Sertifikashon di e Sosiedat Merikano pa Kalidat (ASQ) na Milwaukee, Merka a mustra impakto di salú malu di empleadonan riba un empresa. ‘E gastunan ya kaba ta asina astronómiko ku mester tuma akshon’ segun Persaud. El a splika ku empresarionan mester tuma e responsabilidat pa duna atenshon tambe pafó di e 8 ora di trabou na e empleado i su famia kompleto, pasobra si situashon den bida privá di e empleado no ta bon, anto su resultado di trabou tampoko lo por ta bon.
Persaud na final di su diskurso a regalá kada un di e miembronan di direktiva di ADECK presente un pedometer pa asina ei nan komo empresario kuminsá na duna ehèmpel na nan empleadonan di kon mester move mas pa kuida salú. Presidente di ADECK Nico Wever despues a gradisí Rein Persaud pa su presentashon.
Bishitá
www.seksualidat.com
Sigui bishitá www.konseho.com pasobra nos ta konstantemente den konstrukshon.
