E hòmber ei ta asina floho, ku el a muri 2 siman promé ku
hendenan a ripará.

Dikon bo nò por dera un hòmbu ku ta biba na Venezuela na Boneiru?
Pasobra e no ta morto.

“Kiko ta sekreto ku e matrimonio di abo ku bo kasá a dura largu
asina?”
“Pasobra ami ku mi kasá ta sali bai un sena romántiko sikiera un
biaha pa siman.”
“Esei ta hopi bon! Anto kua lugánan asina bosnan sa bai?”
“Ami gusta italiano, pero mi no sa unda e ta bai.”

“Ta un bon kos ku bo mayornan a yamabu ‘Johnny.’”
“Dikon bo ta haña esei?”
“Paso ta asina tur hende ta yamabu.”

“Mi tabata kome hopi mas mihó tempu Juancho Everts tabata promé minister.”
“An... ke men bo ta haña ku situashon tabata mihó e tempu ei?”
“Nò, mi tabatin mi mes djentenan.”

“Kon a bai awe na skol?”
“Basta bon. Nos a studia pronunsiashon.”

“M’a tende ku bo ta ofresiendo un rekompensa di f. 200,-- pa esun ku trese tròmpet di bo suegra bèk, ta bèrdat?
“Si, anto e ta haña ku ta un gesto masha kariñoso di mi parti.”
“Pero bo’n ta haña fl.200,-- un rekompensa muchu grandi pa un trompèt hòrtá?”
“Ai nò yu, nò si e opheto ta na fondo di Noordkant, mara na un Blòki 8 ku kabuya di nailen.”

“E oloshi ku b’a bendemi no ta traha.”
“Di mes ku nò, p’esei mes m’a bendé asina barata, anto mi nò a bisa ku e ta traha.”
“Pero kon bo ta kere mi tin ku sa awor kuant’or tin?”
“Ai lag’i nèk si! Djis puntra un hende!”

“Kiko bo ruman ta bai bira ora ku e kaba skol?”
“Uuuhm, ami ta kere 50.”

“E señora ei ta pretendé ku nò falta hopi pa e hasi 39 aña.”
“Ai si yu, nò falta hopi; esei tabata solamente 5-6 aña pasá.”

“Mi bisiña ta rabia pasobra mi kachó ta kue korant p’ami.”
“Dikon lo bo bisiña mester rabia?”
“No ta mi korant.”

“Mi ke mi sèn bèk di e outo ku b’a bendemi.”
“Dikon anto? Kiko falta e outo?
“Tur kos ta hasi zonido, eksepto e pitu.”

“Bo sa ku a dura kasi 100 aña pa traha djis un piramit?”
“Kasi sigur lo ta e mesun kontratista ku mester a remodelá mi baño!”

“Bo bario ta asina laf ku e úniko kos plasentero eiden ta e pòstkantor.”
“Kiko ta un pòstkantor?”

“M’a tende ku bo tio a kai será pa hòrtamentu.”
“Nò ta bèrdat! El a bai será pasobra e a wòrdu gará miéntras e tabata hòrta.”

“M’a tende ku abo ku bo frei a kibra ku otro. Kiko a pasa?”
“Abo lo a frei un persona ku ta gañabu sin fin?”
“Nò, ami lo nò hasié”
“Awèl mi frei tampoko.

“Mener wes a parti tur kos honestamente dia di bo divorsio?”
“Algu asina, mi kasá a keda ku e kas, e outo, e boto, e muebelnan i
e kachó. Ami tabatin mag di keda ku tur loke mi tabatin bistí.”

Pashènt:“Dòkter mi ta hopi nervioso,ta mi promé operashon.”
Dòkter: “Mi sa kiko bo ke mèn.Ta mi promé biaha tambe.”

“Tur siman mi ta manda un chèk pa mi mama.”
“Hopi bon kos bo ta hasi!Anto kiko e ta hasi kuné?”
“E ta firm’é, anto mand’é bèk p’ami.”

Unda nan tabata warda lechi ántes pa e nò daña?
Den e baka.

“E holó di e porkonan ku bo ta kria no ta kansabu?”
“Dependé preis di e porkonan.”

“Ami tin sigur ku e ta hunga weg’i shushi den weg’i karta.”
“Kon bo por ta sigur asina?”
“Ayera nochi e tabatin 4 as, siendo ku m’a parti 2 so.”

“Bon tardi, mi por a haña un kamber pa ami ku mi kabritu?”
“Kabritu? Nò ta pèrmití pa tene kabritu den e hotèl aki.
Kon ta bai hasi ku e holó?
“Ai no wòri mes yu,e ta bai kustumbrá.”

“Sòri mener. Bo no a paga pa bo kamber ainda.”
“Mi nò tabatin kamber mes, pasobra bo a ignorá mi reservashon
ayera nochi,anto mi mester a drumi riba mesa di pul.”
“Awèl esei lo ta fl.5 pa ora.”

“Kuidou ku e skopèt ei! E por tira!”
“Nò wòri, mi ta tap'é buraku ku mi dede.”

“Ora ku m’a bisa coach ku John lo por bira un bon hungadó di Futbòl, coach a bisami ku lo e mester di tres kos:“‘E lo mester di
Dedikashon,’e coach a bisa,anto ami di,‘Coach,John tin bastante dedikashon.’
“E di, ‘E lo mester di hopi stamina.’anto ami di, ‘E tin bastante stamina.’
“E di, ‘E lo mester di inteligensia,’anto ami di, ‘E tin su mes kètsnan di futbòl.’”

E úniko rason pakiko hendenan ta kasa,ta pa tin un hende pa duna falta di tur kos.

Hòmber: ”Kuantu mener ta kobra pa drecha mi outo?”
Mekániko:”Kiko ta su problema?”
Hòmber: ”Mi nò tin sigur.”
Mekániko:”Esei lo ta fl.1.200,--.

“Kiko lo bo tin gana di hasi awe?”
“Mi nò tin sigur. Ban pensa...”
“No, ban hasi algu ku bo tambe por.”

“Djadumingu siman pasá m’a haña un pòtmòni yen yen di sèn banda di misa.”
“Anto b’a dun’é bèk kaba?”
“Ainda nò. Mi ta purbando di saka afó si ta un tentashon di diabel òf un kontesta riba mi orashonnan.”

“E hòmber ei ta asina bobo,ku e a kambia su úniko kabai pa un bola di yerba.”
“Anto kiko e tin pensá di hasi ku tur e yerba ei anto?”
“E ta bai purba di fia e kabai bèk pa e lag’é kome e yerba.”

“Mi ta bai Hulanda pa mi sigui ku mi lèsnan di tròmpèt.”
“E kos ei ta zona karu, unda bo ta bai saka e sèn anto?”
“Mi bisiñanan ta pag’é p’ami.”

Muhé ta bisa redaktor di korant: Mi ke pa bo skibi den bo korant ku a tira mi kasá.”
Editor: Hesta kos! Ki ora esaki a pasa?
Muhé: ”Asina ku mi hañ’é!”

Sally:  Bo a mira e flanèl ku mi a kose pa bo ruman muhé?
Dana:  Si, pero m’a kere ku bo tabata pa bai traha unu p’ami?
Sally: Ta bèrdat,pero mi nò tabatin sufisiente tela.

“M’a tende ku bo primu a bai den hòspital ora ku e a bishitá’bu na bo kas.”
“Si, paso nos a buta un kòntèst pa wak ken por pone mi suegra rabiá mas ,
anto e a gana.”

“Kon bo ta haña su bikini nobo?”
“E ta kòrdami di un hende purbando di hinka 20 lb di batata den un saku
di 10 lb.”

“M’a wak un poster kaminda tin skibí:‘Ta buska hòmber pa hòrtamentu di outo.’”
“Ahn si? Kuantu nan ta paga?”

Banko a manda un karta pa Wansitu bisando: ”Nos ta sorprendé ku ainda
nos nò a haña niun pago di bo debe.”
Nan a haña un kontesta bisando: ”No tin rason pa ta sorprendé. Mi nò a paga
nada.”

Ayera mi a tuma revancha riba mi dentista.
Ora e a kaba ku mi m’a bisé: “Dòkter, esaki por bai hasi doló,
mi nò tin sèn.”

“Operador, kuantu ta kosta pa mi hasi un yamada di distansha largu?”
“Esei ta dependé na unda bo ke yama.”
“Awèl mi ke yama mi tio Djo.”
“Anto unda bo tio Djo ta biba?
“Uuuhm,un mei ora fo’i mi kas.”
“Fo’i bo kas? Mener, esei no ta un yamada di distansha largu.”
“An ok, bon! Awèl den e kaso ei mi ke yama mi primu tambe!”
“Unda bo primu ta?”
“E ta na mi kas.”
“Na bo kas?”
“Si, e ta tira bista riba tur kos, tanten ami ta aki na Oropa.”

“Ami sa tur kos ku mester hasi pa bira un bon polítiko.”
“Gañadó!”
“Esei ta un di nan.”