Bo astrologia

Astrologia pa abo
Pa astrólogo di Konseho.com ta importante pa tur hende komprondé ku ora bo ke sa mas di bo mes i bo usa e siensia di astrologia ku bo mester komprondé ku no ta asina asina ta kuri saka un astrologia i bisabu ku ta asina bo ta.
Un análisis astrológiko tin su partinan mas general ku ta indiká kiko mas o ménos por ta karakterístikanan di hendenan di mesun signo i hendenan ku tin e signo ei komo nan asendante.
Nos ta ofresébu e oportunidat pa sa algu di bo mes via di nos análisis astrológiko breve pero bo por haña tambe un relato astrológiko individual kompleto pa kua lo bo mester tuma kontakto ku nos.

Bo destino ta den bo man i abo por influensiá desaroyonan den bo bida.

Astrólogo KONSEHO.COM

Bo a nase entre 23 di novèmber pa 22 di desèmber?

Bo ta un Sagitario lesa mas

16-11-2007

Horoskop breve pa MR nasé bou di signo di Sagitario na novèmber 1984 na Boneiru.

‘Bo a nase bou di Signo di Sagitario, bo asendente ta Gemini.
Solo ta den di shete kas na momentu ku bo a nase. Esaki ta e kas di relashon. Pa abo e ta indiká ku lo tin sierto relashonnan interesante pa abo komo individuo den relashonnan ku bo ta aden òf ta bai drenta. Chèns ta hopi grandi ku e kosnan bon ku abo ta bai saka di bida ta relashoná ku e relashon (partner) ku bo skohe den bo bida. E ta indiká tambe ku bo ta bai logra durante di bo bida relashonnan ku ta dura hopi tempu i tambe bon amigu/a. Bo mes mester puntra bo mes konstantemente dikon abo ta buska spesífikamente sierto tipo di relashon ku sierto tipo di hende. Bo ta stima pa amor òf pa benefisio finansiero/material? Òf pa rekonosementu sosial?
Wak bon kiko bo ta sinti ku bo falta ku ta pone ku bo ta buska sierto hende pa drenta relashon kuné pa asina ei komplementá loke abo ta haña ku bo falta den bo bida. Tambe wak bo boka. Tene kuenta kon bo ta papia ku hendenan ku ke bu bon pasobra bo manera por strobabu di haña e partner mihó posibel.
Un punto positivo ta ku bo ta un hende fleksibel ku ta logra na adaptá bo mes na kualke situashon ku presentá. Tur indikashon ta ku bo ta un hende ku ta funshoná mihó ora bo atendé ku públiko grandi. Bo éksito lo ta den estudionan literario i sientífiko i trabounan relashoná ku komunikashon i análisis di hende.

Indikashon ta ku bo ta bai tin ekselente oportunidat pa progreso finansiero i sosial despues di bo 40 aña òf ora bo stabilisá bo bida p.e. den un matrimonio òf ku un relashon serio.

Bo ta un hende ku un imaginashon bibu loke ta sali tambe den bo personalidat. Bo por tin tendensia religioso hopi fuerte. Bo manera simpátiko i kariñoso ta pone ku abo ta trese harmonia den famia. I ku mas konfiansa den bo mes bo por kita e dudanan ku tin den bo bida i ku tei pa rasonnan ku no ta nesesario.
Bo ta parse di ta un hende ku un bida aktivo, pero ku ta tarda pa tuma desishon. Loke ta skapabu den esaki ta ku bo ta inteligente. Paga tinu riba bo kondishonnan mental nèrvioso, no stroba bo mes ku prekupashon sin nodi.

Trata na rekonosé e oportunidat edukashonal ku ta parse di ta bin bo kaminda. E por ta algu edukativo den diferente direkshon i no nesesariamente mester stroba un eventual estudio ku bo ta hasiendo awor aki. Wak bon kiko bo ta hañabu ta bai siña. Por ta bo ta haña simplemente  informashon ku ta pone ku bo ta bai wak bida na un otro manera i esaki  ta bai hasi bo bida mas positivo i di mas balor. Esaki ta un lès di bida.
 
Bo ta un hende semper kla pa lucha i sali na defensa di hende ku abo ta konsiderá di ta den un situashon inhustu.
Pero tene kuenta ku ora bo ta defendiendo otro hende bo ta teniendo bo mes atras. Generalmente bo ta un bon konsehero pero bo mes no ta sigui bo mes su konsehonan. Si bo ta òf mester hunga e papel di un maestro/instruktor bo tin e abilidat pa siña otro hende kos ku abo mes no sa bon. Purba na konsehá bo mes manera ku ta ku un otro hende bo ta siñando algu. Kisas e ora ei bo ta sigui e bon konsehonan ku bo tin.
E loke bo ta bai yega n’e dado momentu ta ku bo ta bai duna hopi atenshon pa deskubrí bo mes. Ta parse ku bo tabatin sierto restrikshon durante ku bo tabata mucha ku a pone ku sea bo a bira un hende hopi den bo mes  òf bo a trata na hasi konstantemente kos pa otro hende nota ku bo tei. Bo ta buskando kaba kiko bo eksistensia ta nifiká? Duna atenshon na e direkshon ku bo ta bayendo kuné den bo bida òf e tipo di trabou ku bo ta hasi òf ke bai hasi. Ta esaki lo hibabu den e direkshon positivo den bo bida.

Te aki un relato breve di bo horoskop. Pa un relato kompleto por tuma kontakto na korsou@konseho.com.

Horoskop breve pa RMV nase bou di signo di Virgo na sèptèmber 1974 na Kòrsou.

‘Bo a nase bou di Signo di Virgo, bo asendente ta Aries.
Solo serka bo ta den Virgo den di seis kas loke ta pone ku bo ta un hende ku ta orguyoso di tur trabou ku bo ta hasi
Luna ta den Aries den di 12 kas loke ta pone ku bo ta un hende ku den sekreto ta gosa di amor i romanse i e aventura di esakinan. Bo ta eksitá i alimentá asina ei bo deseonan amoroso i bo soñamentu den dia. Bo no ta un hende abrí den nada ku bo ta hasi i ta lèn mas pa ta den ambientenan sekreto kaminda ta respetá i gosa bo méritonan.
Bo por ta eksitoso den posishonnan kaminda abo mester traha bo so òf den lugá i paisnan leu.
Bo ta un hende enkantador, ku temperamentu i hende rondó di bo no ta fada lihé di bo kompania. Bo ta un hende ku ta riska i no ta kambia di opinion masha lihé. Otronan ta mirabu komo fortuná den amor i ku bo ta hopi eksitoso.
Pa loke ta asuntunan di amor den bo horoskop ta asina ku bo tin Vénus den bo di sinku kas. Esaki ta e kas di plaser. Plaser por ta resultado di kreatividat. Esaki ta e kas tambe ku ta papia di prokreashon i yu pero e ta tambe kreatividat den arte i kultura. Un bida kreativo ta un bida for di kua por saka plaser i satisfakshon personal.
Den e kas aki tambe ta topa ku tumamentu di riesgo finansiero den weganan di plaka. Por mira aki ku bo ta hinka bo mes den riesgo finansiero pero prinsipalmente e ta ku bo ta un hende dispuesto pa tuma kualke riesgo ku speransa di saka plaser for di dje. Komprondé ku e ta dunando abo e kapasidat básiko pa bo yega na un satisfakshon kompleto den amor i den envolvimentunan emoshonal. E posishon aki ta duna na promé impreshon e bista ku bo tin den bo bida di rikesa i eventonan emoshonal masha intenso i agradabel.
E posishon aki ta mustra sinembargo tambe ku bo ta un hende ku tendensia pa ta inkonsistente i ku abo mes ta buska variashon den romanse. Maske ku bo tin e kapasidat pa stima intensivamente i ku deboshon, bo tin tambe e tendensia di pèrdè interes masha lihé despues di algun tempu den un relashon ku bo ta aden. Lo bo benefisiá si bo por desaroyá mas kòntròl riba e echo ku bo ta pèrdè interes asina lihé den un hende ku bo tin relashon kuné. Trata pues na no pèrdè interes asina lihé.

E punto mas interesante relashon ku bo pregunta ta ku bo tin planeta Chiron den bo di kuater kas.
Esaki ta mustra ku bo (taba)tin sierto problemanan den bo kas ku na edat mas grandi lo por yudabu pa abo yuda otro hende ku tin problema na kas.
Atenshon aki ta riba e relashon ku abo tabatin ku bo tata, un òf mas figura di tata òf otro lider/dirigente maskulino. Ta parse ku bo desendensia i e ambiente for di kua bo a sali ta un problema pa bo awor aki pero e problemanan aki na mes momentu ta rais i orígen di nan mes solushon.
Usa bo intuishon natural komo sanashon den esaki pa libera bo mes di tradishonnan bieu, frustrashonnan, herarkianan poderoso i outoridatnan ku poder fuerte riba bo.
Generalmente lo bo benefisiá si bo tene mas pasenshi i no tuma desishonnan purá i  deskabeyá.”

Te aki un relato breve di bo horoskop. Pa un relato kompleto por tuma kontakto na korsou@konseho.com. 

Pa esun ku ta kere i ku ta komprondé siensia di astrologia, nos tin oportunidat pa puntra i haña sa na papiamentu, kiko ta bo posibilidatnan den bida basá riba bo astrologia kompletamente personal. Pasobra rondó di nos i sigur den kasi tur korant i na radio nos por tende diariamente kiko nos signo ta bisa pa awe. Sigui lesa......

Nos ta trahando konstantemente riba  konseho.com. Gosa di nos sitio i kòrdá bishitá atrobe pa mas informashon.
E TIM DI KONSEHO.COM